ஆவணி அவிட்டம்
புஷ்பம் வாங்கி
அறுபடை முருகனுக்கு
அர்ச்சனை பண்ணி
வழிபாடு முடிக்கையில்
அலை உருட்டும்
கடல் மேலே
கறுகறு என்று
கனத்துத் தொங்கும்
மேகம் விலக
செம்மஞ்சளில் ஜொலித்த
பூர்ண சந்திரனை
கண்டு மலைத்து
இருகரம் கூப்பி
வணங்கி விட்டு
வரும் வழியில்
தூறல் வலுக்க
அருகில் இருக்கும்
அஷ்டலக்ஷ்மி கோயில்
பந்தல் அடியே
ஒதுங்கிய பாதங்களை
எறும்பு கடிக்கவும்
கோயிலுக்குள் நுழைந்து
சாரல் தவிர்த்து
இளைப்பாற அமர்கையில்
மனதாரக் கும்பிட்டு
மழை மெலிந்தவுடன்
வெளியேறி
இரவுண்டி முடித்து
திரும்பும் வழியிலும்
துளிகள் தொடரவே
வருண பகவானே
வயிற்றில் இருக்கும் அப்புத்தங்கம்
வீடுசேரும் வரைக்கும் பெய்யாதே
உனக்கு கோடானுகோடி நன்றி
என்று குட்டித்தங்கம் பிரார்த்தித்தாள்
பெய்தாலும்
சளிப் பிடிக்காத துளிகளாய்
பார்த்துப் பெய்
என்றொரு வரியை
சேர்த்துச் சொன்னான் அப்புக்குட்டி.
