நான்கைந்து இருசக்கர வாகனங்கள்
வரிசையாக ஓரிடத்தில் நிறுத்தப்பட்டிருந்தால்
போக்குவரத்து நெரிசல் மிகுந்த
மாநகரச் சாலையின் ஓரத்தில்
அந்த அடுக்குமாடிக் கட்டிடத்தின் முன்பாக
எனது வாகனத்தையும் நிறுத்திவிட்டு
மாமன்மகனின் நேர்முகத் தேர்விற்காக
இருவரும் நுழைந்தோம்
கட்டிடத்தின் உள்ளே
தேர்வு முடிந்து
மூன்று மணிநேரங்கள் கழிந்து
நுழைந்த வழியாகவே
வெளி வந்தோம் இருவரும்
நிறுத்திய இடத்தில்
ஒருவண்டியையும் காணாது
திகைத்து நின்றேன்
அடித்துச் சொன்னான்
மாமன்மகன்:
'இதுவல்ல
கட்டிடத்தின் முகப்பு
பின்புறம் இருக்கிறது'
பாவம்
அந்த அடுக்குமாடிக் கட்டிடம்.
